सम्मान, स्मृति अउ सुविधा के संगम-अटल परिसर के लोकार्पण संग पानी शोधन संयंत्र के शुरुआत

धमतरी-नगरी नगर पंचायत आज विकास के नवा गाथा गढ़त हवय ..वार्ड क्रमांक 13, गुड़ियारी तरिया के कछार मं बने नवनिर्मित अटल परिसर के लोकार्पण आज बड़े गरिमा के संग होवत हवय। ये परिसर छत्तीसगढ़ के निर्माता, भारत रत्न श्रद्धेय अटल बिहारी वाजपेयी जी के नाम मं समर्पित आय, जिहां उनका भव्य प्रतिमा के स्थापना करे गे हवय।

आज बिहान 12:30 बजे, रायपुर ले आभासी माध्यम के जरिए छत्तीसगढ़ के मुख्यमंत्री विष्णु देव साय जी, विधानसभा अध्यक्ष डॉ. रमन सिंह जी अउ नगरीय प्रशासन मंत्री अरुण साव के करकमलों ले अटल जी के प्रतिमा के अनावरण होही।

👉 ये ऐतिहासिक कार्यक्रम के सीधा प्रसारण नगरी नगर पंचायत के राजा बाड़ा परिसर मं दिखाए जाही, जिहां जनप्रतिनिधि मन, अधिकारी मन अउ नगर के सियान-सुपा सब्बो झिन मौजूद रहीही।

⸻

नगरी ला शुद्ध पानी के नवा आस

अटल परिसर के लोकार्पण के संग-संग आज नगरी नगर के पानी शोधन संयंत्र (वॉटर ट्रीटमेंट प्लांट) के भी भूमिपूजन करे जावत हवय ये योजना नगरी नगर के पियइयां पानी के दिक्कत ला सुलझाय के दिशा मं बड़का पहल माने जावत हवय। संयंत्र चालू होय के बाद नगरवासी मन ला साफ-सुथरा अउ निरमल पानी मिलही।

⸻

नगर पंचायत कसके कसावट मं तैयार

नगरी नगर पंचायत के बताए अनुसार, कार्यक्रम के सफल बनाय बर सब्बो जरूरी बंदोबस्त पूरा कर ले गे हवय। बैठक व्यवस्था, सुरक्षा इंतजाम, एलईडी परदा अउ प्रसारण के पुख्ता तैयारी करे गे हवय।

👉 अटल जी के सोच अउ सिद्धांत ला आगे बढ़ावत, नगरी आज सम्मान, स्मृति अउ सुविधा के सुंदर संगम बने के राह मं एक ठोस कदम धरत हवय।

                                 मिश्रा जी की कलम ✍️ से